وصفه للشعر جميله جدااااااا

بسم الله الرحمن الرحيم
السلام عليكم


انا عملت زيت حبة البركة وزيت الحلبة فى البيت


طريقة العمل:
تطحني مقدار من الحلبة في مطحنة الخلاط وتطحني مقدار من حبة البركة لكن يكون نصف مقدار الحلبة
(يعني لو هتطحني فنجان حلبة تطحني نصف فنجان حبة البركة)
وتحطيهم في برطمان شفاف وعليهم كمية من زيت الاكل العادي او زيت ذرة او زيت تباع الشمس او اي زيت عندك للشعر زيتون مثلا او جز الهند عشان الفايدة تزيد لكن لو معندكيش استعملي زيت التموين العادي

وسيبيهم في البرطمان عشرة ايام مش اقل من كده ممكن تسيبهم اكتر لكن مش اقل وكل يوم تهزي البرطمان عشان المحتويا تندمج مع بعض وياريت تسيبيه في الشمس كل يوم
وبعد المدة ما تعدي ممكن تصفي الزيت بمصاه ضيقة اووووووووي او تصفيه من خلال شراب قديم مش بتستعمليه
وممكن تيبيه في البرطمان وتاخدى منه بالمعلقة والمكونات موجودة تحت وتصفيه لما يقرب الزيت يخلص


النتيجة:
لما هتفتحي البرطمان هتلاقي مفيش ريحة للحلبة نهااااااااائي ولا كإنها موجودة لان ريحة حبة البركة هتكون غالبة ومغطية عليها خاااااااااااااالص

لما حطيت الزيت ده على شعري لقيت لمعاااااان وترطيب جمييييييييييل
و لمعان للشعر لكن ريحته مش حلوة لانها ماحطتش حبة البركة

ملحوظة:
حبة البركة تسمى شوفان وتسمى الحبة السوداء

وعملت زيت السمسم

طريقة عمله:

جبت فنجان قهوة سمسم وطحنته في مطحنة الخلاط وحطيته في كنكة وحطيت عليه مقدار من زيت الذرة(ينفع اي نوع زيت حتى بزيت التموين ) وحطيتهم على النار لحد الغليان وطفيت النار وغطيت عليهم وعبيتهم في برطمان غامق وسيبتهم لمدة عشر ايام وكل يوم اهز البرطمان شوية

لكن ماحطيتهوش في الشمس لان زيت السمسم محتاج ظلام

وبعد المدة ما تخلص صفي الزيت او سيبيه وخدي بالمعلقة من فوق

النتيجة:

زيت السمسم لقيته خفيف اوي والبشرة بتشربة بسرعة وهو خفيف على الشعر اوي وبيدي لمعان وكمان مع الاستخدام بيفرد الشعر بس انا لسه ما استخدمتوش غير مرة واحدة لكن نتيجته بانت الحمد لله


خلو بالكم لاني هستخدم زيت السمسم ده في وصفات تانية للبشرة والجسم مش للشعر وبس